Артыкулы: Ганна Цылійская (каля 1380, г. Цылі, цяпер Цэле, Славенія—20 або 21.3.1416), каралева польская, 2-я жонка Ягайлы

Ганна Цылійская(каля 1380, г. Цылі, цяпер Цэле, Славенія—20 або 21.3.1416), каралева польская, 2-я жонка Ягайлы (Уладзіслава ІІ). Дачка графа Вільгельма фон Цылі і Ганны, дачкі польскага караля Казіміра ІІІ Вялікага. Шлюб адбыўся 29.1.1402 у Кракаве, каранацыя — 25.2.1403. Дзякуючы шлюбу Ягайла ўстанавіў родавую сувязь з папярэдняй польскай дынастыяй і тым самым легалізаваў сваі правы на польскі трон пасля смерці сваёй 1-й жонкі Ядвігі. У 1413 дачка Г. — Ядвіга была прызнана спадчынніцай польскага трона. Для ўзмацнення яе становішча Г. суправаджала Ягайлу ў паездцы па ВКЛ, прысутнічала пры заключэнні Гарадзельскай уніі 1413, хрысціянізацыі Жамойці. У 1415 разам з мужам прымала прысягу малдаўскага гаспадара Аляксандра.

© Валерый Пазднякоў, 2010